Déi zwou Erzielkënschtlerinnen Luisa Bevilacqua a Betsy Dentzer treffen op d’Claire Parsons, Jazzsängerin a -musekerin. Si all reese mat liichtem Gepäck fir sech zesummen op eng onbekannte Rees ze maachen: Al Weeër gi verlooss fir am Moment Neies z’entdecken. 

Virun den Aen an Ouere vum Public loossen di 3 Kënschtlerinnen nei Welten entstoen, wou Kläng, Wieder, Gesang, Geschichten a Musek sech géigesäiteg inspiréieren an ofwiesselen. Stories & Sounds ass ee Sprong an d’kaalt Waasser, en Experiment, ee Faass ouni Buedem voller Pläséier um Spill, an deem alles méiglech ass… an nach villes méi.

Fotoen: © Véronique Kolber | © Rosanna Bevilacqua | © Lynn Theisen